From Albania
Thursday, May 12, 2011
Photoshop Design a Cartoon Shop Front Layout in Photoshop Tutorial
Thursday, April 28, 2011
Rezarta Shkurta: Tradhtinë nuk e ndien kur ikën me një Ferrari
Lajme vip-Tashmë në ekranet tona është shumë e pëlqyer, por Rezi do të na tregojë diçka më tepër për klipin “Dua të iki larg”.
Rezarta me këngën “Iki larg” duket se ke filluar të ikësh larg ose më saktë, lart edhe profesionalisht. Çfarë përfaqëson për ty kjo këngë në karrierën tënde?
Çdo këngë e karrierës sime ka pasur dashuri dhe përkushtim nga ana ime. Gjithmonë ëndrra e çdo artisti është ta ndajë me publikun punën e tij, pse jo dhe të mirëpritet.
Mbas “Budallaçkë e vogël”, përsëri një këngë baladë rok. A është kjo gjinia muzikore që të rri më mirë?
Normalisht unë jam rritur, nuk jam më Rezarta e para 6 apo 7 viteve kur nisa karrierën time. Po ashtu si unë edhe shija ime muzikore ka ndryshuar. Përpos faktit që vokalisht e ndjej veten shumë mirë në këtë rrymë, por unë edhe e shijoj shumë këtë gjini muzikore, kështu që momentalisht po mundohem ta ndaj me publikun atë çka ka brenda zemrës time.
Një duet me një këngëtar të pëlqyer si Vedat Ademi. Si ishte të punoje me të?
Absolutisht ishte një kënaqësi, perveç bashkepunimit ne jemi dhe miq të mirë. Kështu që kjo e bëri akoma dhe më të këndshme punën tonë.
Ti vetë, duke qenë natyrë shumë perfeksioniste ke arritur të japësh gjithçka doje në atë klip që i ngjan një minifilmi?
Ky ishte qëllimi ynë në këtë video. Kur them yni, përveç meje dhe Vedatit, është edhe një produksion i tërë nga mbrapa që ka bërë një punë kolosale. Punuam shumë për të mos sjellë vetëm një video ku dy personazhet dalin bukur dhe kaq, qëllimi ishte të bënim një minifilm, aq sa na lejohej pa diskutim dhe mendoj se ia kemi arritur.
Ideja e fabulës, planet, elementet që e veshin këtë klip, firmën e kujt mbajnë?
Një falënderim i madh vjen si fillim për realizuesit e këngës. Elgit Doda për muzikën dhe Big Basta për tekstin. “Pro Video” për regjinë dhe realizimin e videos etj.
Duhet që në një klip të jesh edhe pak aktor, sa aftësi aktoriale mendon se keni shfaqur ju aty?
Normalisht kjo ishte frika ime më e madhe, të jem e sinqertë. Por them se ia dolëm.
Fabula flet për një vajzë që tradhtohet nga partneri i saj. Ka pasur në jetën tënde një histori të ngjashme?
Unë kam njohur dashurinë falë Ermalit, vazhdoj ta përjetoj atë furishëm. Uroj të mos e provoj.
A mendon se të tradhtohesh nga partneri është fundi i botës apo duhet marrë më me sportivitet?
Tradhtia është gjë e shëmtuar dhe të lëndon. Por po të them një shaka që bëja me Vedatin gjatë kohës së xhirimeve: Nëse në fund të jepet nje Ferrari për të ikur larg (siç e kisha unë në klip), ikën gjithë qejf.
Na rrëfe disa momente pikante gjatë xhirimeve të klipit, ato që publiku nuk ka mundësi t’i përcjellë…
Në fakt “Pro video” ka menduar të realizojë edhe një minivideo “backstage” me pjesët gjatë xhirimeve. Ka pasur shumë të tilla, si në çdo video. Por njërën që më kujtohet tani, më beso ishte vërtet shumë e sikletshme.
M’u fik makina në mes të kryqezimit. Por, duke qenë se Ferrari i ka marshet tek timoni, e bënte pak të vështirë për mua rindezjen. U bë goxha trafik deri në momentin që mbërriti tek unë produksioni për të më ndihmuar.
MySpace largon gjysmën e të punësuarve
Dikur rrjeti më i popullarizuar, MySpace, ka paralajmëruar largimin e pothuajse gjysmës të punësuarve në mbarë botën.
Kryeshefi ekzekutiv i MySpace, Mike Jonas, ka paralajmëruar ristrukturime të mëdha organizative të cilat do të rezultojnë me largimin e 47 për qind të punësuarve.
Nga largimet janë prekur rreth 500 të punësuar në të gjitha njësitë në mbarë botën. Në kompani theksojnë se këto janë vendime të vështira por të domosdoshme për t’u siguruar një rritje e qëndrueshme e qartë dhe përfitim. Po ashtu theksohet se largimet nga puna lidhen me afarizmin e vjetër dhe në asnjë mënyrë nuk do të ndikojnë në afarizmin e versioneve të ndryshuara dukshëm të faqeve.
Në fakt, në fund të tetorit MySpace ka ndryshuar dukshëm konceptin e faqeve të saja për t’u orientuar më shumë në muzikë, filma dhe zbavitje, në vend se të janë faqe universale për rrjetëzim shoqëror.
Trojani ZeuS sulmon telefonat mobilë
Një bloger për siguri ka bërë të ditur se kompania e tij ka regjistruar aktivitetin e softuerit të njohur malinj ZeuS për sulme në sistemet bankare, por në formë të sulmeve në platformat mobile gjatë autentifikimit dyfazësh në sistemin e ING Bank Slaski në Poloni.
Një sulm i ngjashëm “man-in-the-middle” është shënuar edhe më herët në Spanjë, ndërsa cak i sulmuesit është që nga telefoni të marrë të ashtuquajturit mTAN, numrat autentifikues të transaksioneve mobile – passwordër për një përdorim me të cilat bankat përforcojnë mbrojtjen e sistemeve të veta. Pasi që shfrytëzuesi merr porosinë me link nëpërmjet SMS-së, mund t’i qaset sistemit me passwordin sekondar. Sulmuesit këtë e shohin si dobësi, dhe duke futur fusha në web formularët për numër telefoni dhe llojin e telefonit të shfrytëzuesit ata dërgojnë linkun e tyre, i cili çon në sajtin malinj, ashtu që të mund të marrin mTAN-ët e dërguar.
Tani për tani virusi funksionon në platformat Symbian dhe BlackBerry, por jo edhe në iPhone dhe Android dhe tregon që fusha e kriminalitetit e kompjuterit po zgjerohet me shpejtësi edhe në shfrytëzuesit mobilë.
Internet Explorer 9 arrin më 14 mars
Më 10 shkurt është prezantuar Release Candidate i versionin më të ri të Internet Explorer, kështu që as versioni final nuk është larg. Jozyrtarisht tashmë është njoftuar se do të mund të prezantohej më 14 mars, kur zhvillohet South by Southwest tubimi intern i Microsoftit në Austin të Texasit. Mundësia e dytë është që Microsofti të shfrytëzojë rastin dhe të lansojë browserin e ri më 24 mars në konferencën Tech Ed India 2011, megjithëse ka gjasa që për këtë ngjarje të bëhet vetëm launchi lokal.
Shërbimi muzikor i Google
Sipas Cnet, Google gjoja se ka filluar testimin intern mes të punësuarve të saj të një shërbimi të ri muzikor.
Google Music është shërbim për streaming të muzikës të cilit do të mund t’i qasemi përmes çfarëdo pajisjeje të lidhur në Internet. Thuhet që ky shërbim gati sa nuk është përfunduar, porse shartimi është shtyrë për shkak të mungesës së një komponenti vital. Google është duke bërë negociata të komplikuara me shtëpitë muzikore, ndërsa problemin më të madh e ka në të drejtat autoriale për muzikën e ruajtur në “re”, gjegjësisht të drejtat e shfrytëzuesve që koleksionet e tyre ekzistuese muzikore t’i ruajnë në serverë dhe t’u qasen përmes shërbimit të ri të Google.
Sipas disa burimeve negociata të ngjashme shtëpitë muzikore janë duke bërë edhe me kompaninë Apple.
Skype, Yahoo dhe Google, në rrezik nga hackerët iranianë
Kompania për siguri Comodo, e cila, mes tjerash, jep edhe certifikate digjitale, ka bërë të ditur që një hacker ka anashkaluar mbrojtjen e serverëve të kësaj kompanie dhe ka ardhur deri te certifikati i cili mund të shfrytëzohet për sulme në Skype, Yahoo, Google, Microsoft Live.com dhe websajte dhe shërbime të tjera të popullarizuara. Thuhet që IP adresa e sulmuesit çon në Iran, kështu që autoritetet e SHBA-së konsiderojnë që bëhet fjalë për një sulm të organizuara nga Qeveria iraniane.
Me certifikatën origjinal hackeri mund të krijojë një web sajt të sigurt të rremë duke ia paraqitur shfrytëzuesit në browser dëshminë legjitime të legalitetit të tij, gjë që mund të shfrytëzohet për llojin e sulmit man-in-the-middle. Madje edhe kur për qasje në sajte shfrytëzohet SSL-ja.
Comodo ka bërë të ditur që tashmë e ka anuluar certifikatën, gjë të cilën e kanë edhe developerët më të mëdhenj të browserëve në versionet e fundit të softuerit të tyre, kështu që përpjekja e hackerëve për t’u loguar në login.yahoo.com nuk ka pasur sukses.
Nëse vërtet bëhet fjalë për sulm të organizuar nga ana e shtetit, ky do të ishte i pari i tillë që vjen nga Irani dhe nëse kjo del të jetë e vërtetë, ka mundësi që bëhet fjalë për një përpjekje për hakmarrje për sulmin amerikan në stabilimentet nukleare përmes krimbit Stuxnet i cili për shumëkënd ishte i suksesshëm.
Ky rast ka ngritur shumë pluhur sepse ka treguar në dobësinë e sistemit aktual të mbrojtjes së përmbajtjeve në Internet që bazohet në certifikate.